Rev 7 | TPZ | STEP | A tah vëh to hik en, köß ep in a taanaß ankeroß to sun ne po taanaß noton in o oeh. Ee to öt ne o taanaß paknan in a tuvuh, ka tuvuh se nat non ta manih tahiß, me manih po oeh, me manih po naon.

Revelation of John 7

144,000 Teß Va Israël To Kon O Vëknöm Pe Sosoenën

1 A tah vëh to hik en, köß ep in a taanaß ankeroß to sun ne po taanaß noton in o oeh. Ee to öt ne o taanaß paknan in a tuvuh, ka tuvuh se nat non ta manih tahiß, me manih po oeh, me manih po naon. 2 Eöß to ep in a meh ankeroß to taneß maß pa ö no a potan to pepeah ke no maß. Eß to öt non o tah vëknöm pe Sosoenën vëh to teß toßtoß non. Eß to vaoe vakis a taanaß ankeroß varih ne Sosoenën to heß voh raoe o kikis, marën a miröß o oeh, me a tahiß. 3 Eß to soe pan, “Eöm se koe a miröß vëhöß o oeh, keß, a tahiß, me a ma naon. Emöm to iu vateß nem o vëknöm pe Sosoenën pea manih pa naira ma teß kikiu peß. Köm pah miröß poß a ma moeh tah.” 4 Ee to soe ka neoß a napan varih to teß me ne o vëknöm pe Sosoenën pa naire to antoen ne o 144,000 teß topnin a ma vuteß kurus va Israël.

5

A napan to onöt ne pa 12,000 teß to kon o vëknöm to taneß maß po vuteß pe Judaß,
ko meoh 12,000 po vuteß pe Ruben,
ko meoh 12,000 po vuteß pe Gat.

Ko meoh 12,000 po vuteß pe Asaß,

ko meoh 12,000 po vuteß pe Naptaliß,

ko meoh 12,000 po vuteß pe Manësaß.

Ko meoh 12,000 po vuteß pe Simeon,

ko meoh 12,000 po vuteß pe Livaë,

ko meoh 12,000 po vuteß pe Isakar.

8 Ko meoh 12,000 po vuteß pe Sebulun, ko meoh 12,000 po vuteß pe Jeosëp, ko meoh 12,000 po vuteß pe Bënjamin. A ma teß poë varih to kon o vëknöm pe Sosoenën.

A Nap Peo To Vasunön Ne E Sosoenën

9 A ma tah varih to hik en, köß ep in a nap peo rakah to vatönun, ahikta teß to onöt non a ëh raoe. A ma napan varih to taneß maß pa ma vuteß kurus, me o sionin vakëkëh, me a ma vu to, me manih po oeh avoes. Ee to sun ne matan a ö ihoß pa teß Sunön, me a Soneß Sipsip. Ee to ohop ne a ma ohop rë kakaare ko öt ne a ma pea vito. 10 Ee to soe vakis maß pan,

“Emöm to kë nem a ëhnan e Sosoenën pea to ihoß non pa ö ihoß pa teß Sunön me a Soneß Sipsip,
ee pon to kon hah a ra,
ka kuru vëh na to teß vavih no!”
11 O ankeroß kurus me o teß susunön to teß ne paan e Sunön, ee to sun tatavi ne a ö ihihoß pa teß sunön, vaßpeh me a taanaß tah toßtoß. Ee kurus to vatokon, ko vamösru ne havin a ö ihoß pa teß Sunön, pare vasunön ne e Sosoenën.

12 Ee to sosoe va ne manih pan,

“Oman rakah!
Ea to vaeö rakah vi no e Sosoenën pea,
ka kë no a ëhnan apuh peß!
Eß to teß me non a ma kokoman vih vi,
ka vavihvih me no eah.
Ea se vaeö ko kë no a ëhnaneah!
Eß to teß me non o kikis apuh.
A ma kikis kurus neß to teß me non,
pa ma moeh tah kurus varih neß to teß tamoaan me non.
Oman!”

O Kamis Pee To Hik En

13 Ka pah teß sunön hi a neöß pan, “A ma napan varih to ohop ne a ma ohop kakaare, e retereh poë varih, pare taneß maß nih?”

14 Köß piun eah pan, “Teß apuh peöß, eën to nat nom, eöß ahik.”

Keß soe poß ka neöß pan, “A ma napan varih to teß voh ne pa tëëm no a ma kamis apuh to kon raoe. Ko eraß pa Soneß Sipsip ivëh to pupui vakakaare voh a ma ohop pee.

15 Ivëh,
nee to sun suk ne pa matan a ö ihihoß pe Sosoenën.
Pa ma potan me pa popoen,
ee to hinhin ne manih pe Sosoenën koman a iuun vasioß peß.
Ke Sosoenën ihoß non pa ö ihihoß pa teß sunön,
eß varoe kuru se teß me ra non poë ko matop non raoe.
16 Ee hikta se maë hah ne,
me hikta se manoe hah ne,
ka potan hikta se pa non raoe,
me a hikta tah se vëhvaß non a sioniire.
17 Suk ataeah,
a Soneß Sipsip to ihoß topnin rakah e non pa ö ihoß pa teß Sunön,
eß se matop non raoe,
pareß me raoe pa ö no a rën va po toßtoß to teß non.
Ke Sosoenën se kon a ma punis pee vamanih peß to hiuk vaßnaß a ma hunun matëëre,
kee hikta se ook hah ne.”